മിൽമയിൽ സെയിൽസ് ഓഫീസർ ഒഴിവുകൾ; പ്രതിമാസ ശമ്പളം 47,000 രൂപ, ഇപ്പോൾ അപേക്ഷിക്കാം

മിൽമയുടെ വിവിധ റീജിയണൽ മിൽക്ക് യൂണിറ്റുകളിലേക്ക് സെയിൽസ് ഓഫീസർ തസ്തികയിൽ നിയമനം നടത്തുന്നു. തിരുവനന്തപുരം ഉൾപ്പെടെ ആറ് ജില്ലകളിലായാണ് നിലവിൽ ഒഴിവുകൾ റിപ്പോർട്ട് ചെയ്തിരിക്കുന്നത്. കരാർ അടിസ്ഥാനത്തിൽ നടക്കുന്ന ഈ നിയമനത്തിലേക്ക് യോഗ്യരായ ഉദ്യോഗാർത്ഥികൾക്ക് സെപ്റ്റംബർ 4 വരെ ഓൺലൈനായി അപേക്ഷ സമർപ്പിക്കാം.

ഒഴിവുകളുടെ വിവരങ്ങൾ

• തസ്തിക: സെയിൽസ് ഓഫീസർ
• മൊത്തം ഒഴിവുകൾ: 06
• നിയമന രീതി: കരാർ അടിസ്ഥാനത്തിൽ. (മികച്ച പ്രകടനത്തിന്റെ അടിസ്ഥാനത്തിൽ കാലാവധി 2 വർഷത്തേക്ക് കൂടി നീട്ടി നൽകിയേക്കാം).
• ജില്ല തിരിച്ചുള്ള ഒഴിവുകൾ: തിരുവനന്തപുരം (01), പത്തനംതിട്ട (01), എറണാകുളം (01), പാലക്കാട് (01), കോഴിക്കോട് (01), കണ്ണൂർ (01).

വിദ്യാഭ്യാസ യോഗ്യതയും പ്രായപരിധിയും

• യോഗ്യത: എം.ബി.എ മാർക്കറ്റിംഗ് (MBA Marketing) അല്ലെങ്കിൽ അഗ്രി-ബിസിനസ് മാനേജ്‌മെന്റിൽ ബിരുദാനന്തര ബിരുദം അല്ലെങ്കിൽ ഫുഡ് സയൻസ് ആൻഡ് ടെക്നോളജിയിൽ ബിരുദാനന്തര ബിരുദം.
• പ്രവൃത്തിപരിചയം: ഡയറി മേഖലയിൽ സൂപ്പർവൈസറി തസ്തികയിൽ കുറഞ്ഞത് ഒരു വർഷത്തെ പ്രവൃത്തിപരിചയം ഉള്ളവർക്ക് നിയമനത്തിൽ മുൻഗണന ലഭിക്കും.
• പ്രായപരിധി: 2026 ഓഗസ്റ്റ് 1 അടിസ്ഥാനമാക്കി പ്രായം 40 വയസ്സ് കവിയാൻ പാടില്ല.

ശമ്പളം തെരഞ്ഞെടുക്കപ്പെടുന്നവർക്ക് പ്രതിമാസം 47,000 രൂപ ശമ്പളമായി ലഭിക്കുന്നതാണ്.

അപേക്ഷിക്കേണ്ട വിധം താല്പര്യമുള്ള ഉദ്യോഗാർത്ഥികൾക്ക് സെന്റർ ഫോർ മാനേജ്‌മെന്റ് ഡെവലപ്‌മെന്റിന്റെ (CMD) ഔദ്യോഗിക വെബ്സൈറ്റ് വഴി ഓൺലൈനായി അപേക്ഷ സമർപ്പിക്കാം.

• ശ്രദ്ധിക്കുക: അപേക്ഷിക്കുമ്പോൾ ഒറിജിനൽ അല്ലെങ്കിൽ പ്രൊവിഷണൽ സർട്ടിഫിക്കറ്റുകൾ മാത്രമേ അപ്‌ലോഡ് ചെയ്യാവൂ. മാർക്ക് ലിസ്റ്റുകൾ സ്വീകരിക്കുന്നതല്ല.

പ്രധാന തീയതികളും ലിങ്കുകളും

• അപേക്ഷിക്കാനുള്ള അവസാന തീയതി: സെപ്റ്റംബർ 4
• ഔദ്യോഗിക വിജ്ഞാപനം (PDF): ഇവിടെ ക്ലിക്ക് ചെയ്യുക
• ഓൺലൈനായി അപേക്ഷിക്കാൻ: ഇവിടെ ക്ലിക്ക് ചെയ്യുക